} Korronte zuzena: tentsio konstantea duen sorgailuak eragindako korrontea da (batzuetan, tentsio-motari ere badagokio). Adibide aipagarriak dira, besteak beste, pilak, bateriak, elikadura-iturriak, mugikorren elikagailuak eta CDak. KZ (korronte zuzena) edo DC (direct current) siglen bidez adierazten da. Honelakoa izan daiteke haren denbora-grafikoa.
}
Korronte
alterno monofasikoa: tentsio aldakorra duen sorgailuak eragindako
korrontea da (batzuetan, tentsio alterno
monofasiko deritzo). Sorgailuaren mutur bietako polaritatea denboran
zehar aldatzen da. Adibide aipagarriak dira, besteak beste, etxeko eta
enpresetako korronte-hartuneak eta
transformadoreetako lan-tentsioak. KA (korronte alternoa) edo AC (Alternate
Current) ikurrek adierazten dute. Honelakoa izan daiteke haren
denbora-grafikoa.
Erreparatu honi: lehenengo
periodo-erdian zero gainetik dago uhina, eta zero azpitik bigarrenean (polaritatea aldatu egiten da 2.
periodo-erdian lehenengoarekiko)
V0
balioari balio maximo deritzo. Ziklo bat osatzeko behar den denborari periodo
esaten zaio,
eta denbora-unitatetan neurtzen da (segundotan edo milisegundotan). Segundo
batean gertatzen den ziklo kopuruari
maiztasun deritzo, eta ziklo/segundotan edo hertz-etan (Hz) neurtzen da. Eta sorgailuaren tentsioa deskribatu
nahi denean, balio efikaz delakoa erabiltzen da, 220 V edo 380 V,
normalean.
Europan erabiltzen den maiztasuna 50 Hz-ekoa da,
eta Amerikan erabiltzen dena, berriz, 60 Hz-ekoa (hori
horrela izanik ere, ez dago arazorik Amerikako tresna bat Europan erabiltzeko,
edo alderantziz).
Korronte alterno trifasikoa (potentzia gehiago eman ahal izateko balio du, esate baterako, makinei): tentsio aldakorrak dituen sorgailuak eragindako korrontea da (batzuetan, tentsio motari ere badagokio).
KA monofasikoan denboran zehar aldatzen den tentsio-puntu bat (uhin bat) dugu, eta KA trifasikoan, berriz, 3 tentsio-puntu aldakor (3 uhin); puntu horien izenak hauek dira: R (urdinak), S (gorriak) eta T (horiak). Neutroarekiko polaritatea ere denboran zehar aldatzen da, jakina.
Aipatzeko adibideak: enpresetako makina trifasikoetarako hartuneak, transformadore trifasikoetako lan-tentsioak (egin daitekeen arren, gutxitan jartzen da KA trifasikoa etxebizitzetan). Haren grafikoa denboran honen antzekoa da.
Normalean
4 hari izango ditugu (neutroa eta hiru faseak: R, S eta T), eta tentsiorik
ohikoenak 220 V eta 380 V-ekoak dira.
KA
trifasikoa dugunean, 3 faseak erabil ditzakegu makina baterako (adibidez),
baina R, S edo T faseetako bat ere erabil dezakegu
neutroarekin batera (tentsio sinplea, bi puntu, monofasikoa balitz bezala) edo edozein fase bikote (R
eta S, R eta T, edo S eta T, bi puntuk osatutako tentsioa,
monofasikoa balitz bezala).
Tentsio
sinplearen eta tentsio konposatuaren arteko erlazioa: Tentsio sinplea = Tentsio konposatua / v3
Adibidea:
fase arteko tentsioa (konposatua) 380 V bada, 380/v3 = 219,39 V (220 V inguru)
izango da fase baten eta neutroaren arteko tentsioa
(sinplea).
Beste adibide bat: fase arteko tentsioa (konposatua) 220
V bada, 220/v3 = 127,01 V (125 V inguru) izango da fase baten eta neutroaren
arteko tentsioa (sinplea).
Korronte zuzena vs. Korronte alternoa
Testua eta irudiak: jakinbai.eus